మారాలి ..

ఆరోగ్యానికి దూరంగా
             కేవలం రుచుల కోసం  పాకులాడే  మన భోజన అభిరుచులు మారాలి .

చురుకు దనానికి కారణమైన వ్యాయామానికి
             బదులు మూర్తీభవించిన బద్దకానికి ప్రతిరూపమైన మన జీవనశైలి మారాలి.

నిర్మాణాత్మక విలువలను విసర్జించి
            ఆలసత్వానికి ఆలవాలమవుతున్న  మన ఆలోచనదోరణలు మారాలి.

పదవులు మాత్రమే మన వ్యక్తిగత విజయాలకి గుర్తులు అంటూ
            వాటి కోసం ప్రాకులాడే  మన అవకాశ వాద విధానాలు మారాలి.

పారిశ్రామిక విప్లవం వలన కలిగే ప్రమాదాల బారి నుండి
            మన ప్రకృతిని కాపాడుకొనే విధంగా  మన ప్రయత్నాలు మారాలి.

"మారాలి".."మారాలి" అంటూ కాగితం, కలం పట్టుకుని కవితలు వ్రాయడానికి బదులు
            వ్రాసిన వాటిని కార్యాచరణ లో పెట్టడానికి మొదట నేను "మారాలి.."